Коњановски во посета на Мариово
Заменик министерот за земјоделие Зоран Коњановски во придружба на градоначалникот на Новаци Лазар Котевски денеска беше во посета на Старавина каде оствари средба со сточарите.
Откако извесен период патиштата низ Мариово беа завеани поради интензивните снежни врнежи, деновиве состојбата е нормализирана, меѓу другото и со помош на РЕК Битола и Македонски шуми. Сточарите го информираа Коњановски дека имаат штети кај стоката поради неможноста да донесат храна за истата, заради завеаните патишта. Коњановски ги информираше и за помошта преку субенции што државата ја овозможува и преку новата земјоделска програма за оваа година.
